Հասարակությունը մեծ նշանակություն է տալիս ամուսնությանը, ինչի պատճառով բազմաթիվ չամուսնացած աղջիկներ իրենց թերի են զգում: Սակայն քչերն են հաշվի առնում, որ կան բաներ, որոնք ավելի կարևոր են, քան ամուսին ունենալը:
Իրական ընկերներ
Կարևոր է ոչ թե ընկերների քանակը, այլ որակը: Անգամ ամենաանկախ մարդկանց են պետք ընկերներ, գոնե 1 ընկեր, ում վրա կարող ես դնել հույսդ ամենադժվար պահին:
Սիրելի աշխատանք
Կյանքը շատ կարճ է, որ ծախսեք այն չարչարանքների ու տանջվելու վրա: Գումարը կարևոր է, բայց եթե ատելությամբ լցված գնաս գործի, երբեք երջանիկ չես լինի, անգամ եթե ունենաս ամուսին:
Ինքնաբավություն
Հիանալի է, եթե ունես լավ ամուսին, բայց էլ ավելի լավ է, երբ ամեն ինչ կարող ես ինքդ անել:
Ֆինանսական անկախություն
Սա բավարարության առանձնահատուկ զգացողություն է, երբ գիտես, որ կարող ես վճարել այն ամենի համար, ինչ ուզում ես: Սա կենսական կարևորության գործոն է:
Սիրելի զբաղմունք
Անգամ եթե սիրում ես աշխատանքդ, չէր խանգարի ունենալ մի զբաղմունք, որը կօգնի կտրվել գործերից: Գտիր մի հոբբի, որը քեզ հաճույք կպատճառի, անկախ նրանից, ամուսնացած ես թե ոչ:
Արժանապատվության ուժեղ զգացում
Երբ գիտես, թե ինչի ես արժանի, չես համաձայնվի ունենալ ավելի քիչ: Շատ ժամանակ ու ջանքեր են պետք հասկանալու համար, թե որքանով պիտի գնահատես ինքդ քեզ:
Մի բան, որ շարժառիթ է դառնում
Պետք է ունենալ մի բան, ինչը ստիպում է քեզ ավելի լավը դառնալ: Դա կարող է լինել սպորտ, սոցիալական կյանք, անձնային զարգացում: Երբեմն դժվար է մոտիվացիա գտնել, բայց պետք է անել դա՝ նույն տեղում չմնալու համար:
Մարմնի խնամք
Պարտադիր չէ ծախսել մեծ գումարներ՝ խնամված լինելու համար: Եվ հավատացեք, հայելու մեջ գեղեցիկ արտացոլանքն ավելի շատ է ուրախացնում, քան ամուսնու առկայությունը:
Երջանկության զգացում, որը կախված չէ ընտանեկան կարգավիճակից
Կարևոր է ունենալ ուրախության և երջանկության աղբյուրներ, որոնք կախված են միայն ձեզանից:
Իրական սեր՝ ինքդ քո հանդեպ
Պետք չէ ամուսնանալ միայն այն պատճառով, որ քո կյանքում սիրո պակաս կա: Իրական սեր կա միայն քո մեջ՝ ինքդ քո հանդեպ: