Դրես–կոդը գրասենյակային կյանքի անբաժան մասն է համարվում։ Դրա կարևորությունը կայանում է նրանում, որ աշխատակիցների հագուստը չպետք է խախտի աշխատանքային միջավայրը։ Այդ պատճաառով էլ շատ ընկերություններ են հետևում հագուստի հարցում որոշակի կանոնների, և որքան բարձր է պաշտոնը, այնքան ավելի խիստ են պահանջները։
Իսկ կարո՞ղ եք դուք գործի դնել ձեր տրամաբանությունը և որոշել, թե Positive-ի ստորև ներկայացրած տղամարդկանցից ո՞ր մեկն է բարձր պաշտոն զբաղեցնում։ Իհարկե, 100%-անոց ճիշտ պատասխան այստեղ լինել չի կարող, ներկայացված երեք տղամարդն էլ ըստ էության կարող են բարձր պաշտոն զբաղեցնել, բայց ամեն դեպքում, կարծում ենք, որ նրանցից մեկն է առավել աչքի ընկնում հենց այդ տեսանկյունից։
1. Ջինսով և սվիտերով տղամարդը
Այո, նրա արտաքին տեսքը խախտում է ենթադրենք որևէ ֆինանսական կազմակերպության դրես–կոդը և այս տղամարդը կարող է ֆրիլանսեր լինել կամ ծրագրային ապահովման մասնագետ։ IT ընկերություններում դրես–կոդն ավելի մեղմ է և այնպիսի դեմքեր, ինչպիսիք են Սթիվ Ջոբսն ու Մարկ Զուքերբերգը նույնպես casual ոճն են նախընտրում։ Այնպես որ, ժամանակակից աշխարհում այս տղամարդը լիովին կարող է մի ամբողջ ընկերության սեփականատեր էլ լինել։ Բայց ամե դեպքում, անցնենք առաջ։
2. Դիագրամի մոտ կանգնած տղամարդը
Առաջին տպավորությունն այն է, որ նա ինչ–որ բան է սովորեցնում։ Նա բավական խիստ է հագնված, բայց ամեն դեպքում, ինչ–որ բան է պատմում լսարանին։ Արդյոք մեծ ղեկավարները նման բան անում են։ Դե իհարկե, ժամանակակից աշխարհում դա նույնպես շատ հաճախ է տեղի ունենում։ Փորձառու ղեկավարը հաճախ է դասախոսություններ կարդում իր աշխատակիցների համար՝ բիզնեսի առաջխաղացման մասին։ Բայց անցնենք առաջ։
3. Պատուհանի մոտ կանգնած տղամարդը
Այստեղ թե դիրքը, թե սեփական աշխատասենյակը, ինչի մասին վկայում է աթոռին կախված պիջակը, ակնարկում են այն մասին, որ այս տղամարդն է հենց բարձր պաշտոն զբաղեցնում։ Ավելին, արդեն ուշ գիշեր է, բայց նա չի շտապում տուն գնալ, քանի որ կենտրոնացած է ինչ–որ կարևոր որոշում կայացնելու վրա։ Դե ինչ, կարծում ենք, ամենահավանական տարբերակը հենց երրորդ տարբերակն էր։
