Իմբիրը (կոճապղպեղ) շատ հայտնի բաղադրիչ է ասիական խոհանոցում: Սակայն, բացի դա այն օժտված է բուժական հատկություններով, որոնք գնահատվել ու կիրառվել են հարյուրավոր տարիներ շարունակ:
Իմբիրի կիրառումը կարող է շատ օգտակար լինել ձեր օրգանիզմի համար: Այն՝
- Լավացնում է մարսողական համակարգի աշխատանքը
- Լավացնում է նյութափոխանակությունը
- Ազատում է սրտխառնոցից
- Թեթևացնում է ցավը
- Նվազեցնում է խոլեստերինի մակարդակը
- Պայքարում է բորբոքումների դեմ
- Լավացնում է ուղեղի աշխատանքը
- Նվազեցնում է ինֆարկտի և ինսուլտի վտանգը
- Օժտված է հակաքաղցկեղային հատկություններով
Բուժական նպատակներով ամենաշատը կիրառվում են իմբիրի արմատները, քանի որ դրանք ավելի սննդարար են և հարուստ են օգտակար հատկություններով: Այն կարող եք օգտագործել չորացրած, փոշենման, թարմ, որպես յուղ և հյութ: Այս հոդվածում մենք ձեզ կպատմենք, թե ինչու է հարկավոր օգտագործել իմբիր ամեն օր:
Իմբիրն ունակ է նվազեցնել ցավը
Համաձայն վերջին հետազոտությունների, որ անցկացվել են Ջորջիայի համալսարանում, իմբիրի ամենօրյա օգտագործումը թեթևացնում է մկանային ցավերը 25%-ով: Բացի այդ այս հրաշք արմատները կոգնեն ձեզ դաշտանային ցավերի ժամանակ:
Իմբիրը կարող է նվազեցնել խոլեստերինի մակարդակը
Բրիտանացի գիտնականները անցկացրել են 45-օրյա հետազոտույուններ, որում մասնակցում էին 80-ից ավելի հիվանդներ խոլեստերինի բարձր մակարդակով: Նրանք ամեն օր ընդունել են 3 գրամ աղացած իմբիր: Հետազոտության արդյունքներն ուղղակի ապշեցնող են եղել: Բոլոր փորձարկում անցնողների խոլեստերինի մակարդակը նորմային համաատասխան էր:
