2016 թվականին Փարիզի նորաձեւության շաբաթվա ընթացքում Քիմ Քարդաշյանը տհաճ իրավիճակում է հայտնվել։ Բանն այն է, որ նրան թալանել են, և այնն էլ զգալի գումարի չափով, աստղը կորցրել է մոտ տասը միլիոն դոլար։
Հարցազրույցներից մեկում նա բազմիցս պատմել է, թե որքան դժվար է եղել կատարվածից հետո։ Իսկ օրերս լրագրողների հետ զրուցել էր խմբի կողոպտիչներից Յունիս Աբասը։ Նա ասել է, որ իրեն ընդհանրապես մեղավոր չի զգում։
«Նա փող էր շպրտում, և ես այնտեղ էի, որ վերցնեի այն, և վերջ», – ասել է տղամարդը: «Ես չեմ խղճում նրան», – հավելել է նա ծիծաղելով: Նրա խոսքով՝ աստղերը պետք է իրենց ավելի համեստ պահեն, քանի որ ոչ բոլորն են կարող իրենց թույլ տալ նման շքեղություն։
«Նրանք պետք է ավելի քիչ պարծենան այն մարդկանց մոտ, ովքեր չեն կարող դա թույլ տալ: Ոմանց համար դա սադրանք է»,- ասել է տղամարդը։ Հիշեցնենք, որ այժմ Քիմ Քարդաշյանը ծանր ժամանակներ է ապրում։ Ռեալիթի հեռուստաաստղը բաժանվել է կատակերգու Փիթ Դևիդսոնից։
