Օլիմպիական խաղերի ոսկե, արծաթե, բրոնզե մեդալակիր, աշխարհի քառակի, Եվրոպայի հնգակի եւ Եվրոպական խաղերի չեմպիոն, հունահռոմեական ոճի ըմբիշ Արթուր Ալեքսանյանը սոցիալական
ցանցերում արած հրապարակումով անդրադարձել է Ադրբեջանի կողմից Հայաստան — Արցախ միակ ճանապարհի արգելափակման խնդրին։ Օլիմպիական չեմպիոնն Ինստագրամում դեկտեմբերի 25-ին
Ստեփանակերտի Վերածննդի հրապարակում տեղի ունեցած հանրահավաքից լուսանկար է տեղադրել: «Աշխարհ, կանգնիր Արցախի կողքին, բացիր կյանքի ճանապարհը»,- հրապարակմանը կից գրել է օլիմպիական չեմպիոնը:
