Պրոդյուսեր եւ կինոռեժիսոր Սարիկ Անդրեասյանն անդրադարձել է Լաչինի մջանցքում տեղի ունեցող իրադարձություններին: Նա այս մասին հրապարակում է արել «Ինստագրամ» սոցիալական հարթակի իր էջում:
«Կարծում եմ, որ շատերն արդեն տեսել են ռուս խաղաղապահների նկատմամբ ադրբեջանցիների սադրիչ գործողությունները: Սադրանքները արդեն բավական ժամանակ է շարունակվում են: Ադրբեջանական հատուկ ջոկատայինները բնապահպանների
հագուստներով վրաններ են տեղադրել եւ փակել Լաչինի միջանցքը`դրանով իսկ կազմակերպելով Արցախի բնակչության ցեղասպանությունն ու վարկաբեկելով ռուսական բանակը: Նպատակը հստակ է: Նրանք ցանկանում են ռազմական բախման
դրդել թե՛ խաղաղապահներին, թե՛ հայերին, որպեսզի, իրենց ոճին համապատասխան, գրավեն ուրիշինը եւ կտրեն անպաշտպանների ականջները: Համաշխարհային կառույցները, ինչպես միշտ, լռում են: Ինչո՞ւ պիտի խոսեն, էչ որ այստեղ բիզնես
կառուցել չեն կարող», — գրել է ռեժիսորը: Հիշեցնենք, որ երեկվանից փակ է Լաչինի միջանցքը. մի խումբ ադրբեջանցիներ`բնապահպանական պատրվակով վրաններ են տեղադրել`արգելափակելով Արցախի բնակչության տեղաշարժը:
