Ամանորին ընդունված է ցանկություններ պահել. Շատերը դրանք գրում են մի փոքրիկ թղթի վրա, վառում այն և մոխիրը խմում մի բաժակ շամպայնի հետ: Հաջողության գաղտնիքը ոչ միայն ցանկությունների, այլև բուն ձևակերպման մեջ է, ի՞նչ արտահայտություններ չի կարելի ասել Ամանորի գիշերը։
«Դժվար տարի էր»
Ավելի լավ է կենտրոնանալ լավի վրա, ոչ թե վատի վրա, որ եղել է անցյալում։ Որպեսզի չվախեցնեք Սև ջրային նապաստակին` գալիք 2023 թվականի խորհրդանիշին, հիշեք Ձեր ձեռքբերումներն ու հաղթանակները: Հետո նոր տարում ավելի շատ լավը կլինի, քան վատը:
«Պարզապես ոչ…»
Ձեր ցանկությունների ձևակերպման մեջ ավելի լավ է հրաժարվել «ոչ» մասնիկից։ Համեմատեք ինքներդ՝ «Ես ուզում եմ, որ իմ սիրելիները չհիվանդանան» և «Ես ուզում եմ, որ իմ սիրելիները առողջ լինեն»։ Օրինակ, եթե աշխատավայրում դժվար խնդիրներ ունեք, ապա Ձեզ հարկավոր չէ թղթի վրա գրել «Միայն թե ինձ չհեռացնեն» բառերը: Ավելի լավ է այսպես՝ «Շնորհակալ եմ այս վայրում աշխատելու հնարավորության համար, հուսով եմ, որ նոր տարում բոլոր խնդիրները կլուծվեն»։
«Թող այդպես լինի․․․»
Ցանկությունները ձևակերպելիս ավելի լավ է չօգտագործել նման բառեր։ Նաև մի օգտագործեք «հավանաբար» և «գուցե» իմաստներով համակցություններ։
«Շնորհակալություն ասելու ոչինչ չկա, բայց հուսով եմ, որ…»
Կարևոր է ոչ միայն ճիշտ և գեղեցիկ ձևակերպել ցանկությունը, այլև անկեղծորեն շնորհակալություն հայտնել կյանքում ունեցածի համար։ Սա հատկապես վերաբերում է Ամանորին, երբ շատերն ամփոփում են տարին։ Կարևոր է նաև չմոռանալ վիզուալիզացիայի մասին: Ցանկությունը պետք է ձևակերպվի այնպես, կարծես այն արդեն իրականացել է։ Այսինքն՝ Ձեր գլխում Դուք պետք է պատկերացնեք մի իրավիճակ, երբ ծրագրված ամեն ինչ իրականություն է դարձել։
