Անօթևան շներին ու կատուներին շատերն են տանում են իրենց տուն, իսկ ոմանք էլ մանկատներից երեխաներ են վերցնում… Նման մարդիկ, ովքեր չեն վախենում նման պատասխանատվություն ստանձնել, շատ չեն, բայց դեռ կան:
Մարինան որբ էր, նրան մանկուց դաստիարակել էր տատիկը՝ Մարիանան, ով փոխարինել է և՛մորը, և՛ հորը՝ տալով իր ամբողջ սերը, ինչքան որ կարող էր: Ցավոք սրտի մարդիկ հավերժ չեն, և Մարիանան մահացավ 83 տարեկան հասակում: Այդ ժամանակ Մարինան 30 տարեկան էր:
Աղջիկը շատ ծանր տարավ իր միակ հարազատ մարդու կորուստը, և բարոյական ցավը խեղդելու համար նա կամավոր աշխատանքի անցավ ծերանոցում: Ինչպես ինքն էր ասում, նա ցանկանում էր նրանց բոլորին օգնել. չէ՞ որ միայնակ ծերերը նվազագույն սեր ու հոգատարություն են ստանում:
Հենց այնտեղ էր, որ Մարինան հանդիպեց 78-ամյա Անտոնինա Սերգեևնային: Կինը հարազատներ չուներ, նա լրիվ միայնակ էր: Որդի է ունեցել, բայց նա կյանքից հեռացել է 33 տարի առաջ: Մինչև վերջերս նա ապրել է գյուղի հին տանը, աշխատել որպես փոստատար և խնայողություն չուներ, միայն համեստ թոշակ:
Տարիներն անցան, և կինը շատ ծանր հիվանդացավ, նա ընդհանրապես չէր կարողանում ինքնուրույն քայլել: Հիվանդանոցն ու խանութները շատ հեռու էին, բուժման համար փող չկար… Բայց երջանիկ պատահականությամբ նրան առաջարկեցին տեղափոխվել ծերանոց: Իհա՛րկե, կյանքն այնտեղ հեշտ չէ, բայց ավելի լավ, քան միայնակ: Եվ օրերից մի օր նրա կյանքում հայտնվեց Մարինան: Մեկ տարվա շփման արդյունքում նրանք միմյանց կապվեցին:
Աղջիկն ասում է, որ Անտոնինա Սերգեևնան իրեն հիշեցնում է իր տատիկին: Մարինան որոշում է կայացնում նրա խնամակալությունը ստանձնել և ծերանոցից տեղափոխել իր բնակարան: Անտոնինա Սերգեևնան երկար ժամանակ դիմադրում էր, նա չէր ցանկանում բեռ լինել աղջկա համար, բայց Մարինան անկոտրում էր:
Այժմ Անտոնինա Սերգեևնան արդեն 85 տարեկան է, նա դեռ ապրում է Մարինայի հետ: Աղջիկն ակտիվորեն զբաղվեց նրա բուժմամբ, և այժմ նա իրեն շատ ավելի լավ է զգում: Իսկ Մարինան ամուսնացել և որդի ունի: Հիմա նրանք բոլորն էլ ապրում են նույն տանը և Անտոնինա Սերգեևնային համարում են հարազատ տատիկ, քանի որ տարիների ընթացքում նա իսկապես դարձել է նրանց համար ամենաթանկ մարդը:
Նյութը հրապարակման պատրաստեց ՆՈՐ ԻՆՖՈ-ն
