Հաստատված կարգի համաձայն` զենք պահելու և կրելու իրավունք ունեցող քաղաքացիների բնակարաններում, տարեկան մեկ անգամ, ոստիկանության տեսուչը ստուգում է զենքի առկայությունն ու պահպանման պայմանները, կազմում համապատասխան արձանագրություն:
Այս մասին հայտնում են ՀՀ ոստիկանության տեղեկատվության և հասարակայնության հետ կապերի վարչությունից:
Նշվում է, որ ապրիլի 27-ին ոստիկանության Նաիրիի բաժնի ծառայողները Արգել գյուղի բնակիչներից մեկի տանը «ՍԿՍ» տեսակի 7,62 մմ տրամաչափի որսորդական ակոսափող հրազենի առկայությունը, օրինականությունն ու
պահպանությունը ստուգելիս երկաթյա պահարանում նշված զենքից զատ հայտնաբերեցին ապօրինի պահվող 4 սվին-դանակ, «Մակարով» տիպի ատրճանակի պահունակ՝ լիցքավորված փամփուշտով, «Ֆ-1» տեսակի նռնակի պայթուցիչ և մոտ 200 տարբեր տրամաչափի փամփուշտ։
Հանգամանքները պարզվում են։
Նախապատրաստվում են նյութեր։
