Քիչ առաջ համատարած հոսանքազրկումներ եղան ՀՀ տարբեր մարզերում: Էլեկտրաէներգիան մասնավորապես անջատված էր Գյումրիում, Վանաձորում, Ապարանում, Դիլիջանում, Սպիտակում, Արմավիրում, Նոյեմբերյանում:
Թե որն է հոսանքազրկման պատճառը, ՀԷՑ-ից ճշտել չի հաջողվում: Խոսնակի հեռախոսահամարն անհասանելի է, թեժ գծով ևս հնարավոր չէ պատասխան ստանալ:
Հիշեցնենք, որ ընտրական տեղամասերում ժամը 20:00-ից սկսած ընթացքի մեջ է արտահերթ խորհրդարանական ընտրությունների արդյունքների ամփոփման՝ քվեաթերթիկների հաշվարկի գործընթացը:
