Վաղ մանկության լուսանկարները ժամանակագրական կարևորության հուշեր են: Դրանք պատմում են անհատի մանկության տարիների մասին: Հերթական լուսանկարը, որ ներկայացնում ենք, հայտնի հանրային դեմքերից մեկի՝ Հրանուշ Հակոբյանի
մանկության լուսանկարն է: Նա մինչ հեղափոխությունն ակտիվ քաղաքականությամբ էր զբաղվում՝ ղեկավարելով Սփյուռքի նախարարության գործունեությունը: Հ. Հակոբյանը իրավաբանական գիտությունների պրոֆեսոր է, ստացել է բազմաշերտ կրթություն:
Հ. Հակոբյանը ծնվել է Գեղարքունիքի մարզի Սարուխան համայքնում: Նրա հայրը հայտնի և ականավոր փիլիսոփա Հրանտ Հակոբյանն է, ով ժամանակին զբաղվել է բազմաբեղուն մանկավարժական գործունեությամբ, իսկ մայրը եղել է դպրոցի տնօրեն:
Հրանուշը Հակոբյանների ընտանիքում ավագ դուստրն է, ով օրինակ և խորհրդատու է եղել իր եղբոր ու քույրերի համար: Իսկ Հրանուշի համար հիմնական խորհրդատուն է եղել հայրը: Հրանտ Հակոբյանն է հիմնադրել և երկար տարիներ ղեկավարել Գառավի
պետական համալսարանը: Հրանտ Հակոբյանն ու նրա ժառանգները՝ Հրանուշը, Կորյունը, Խաչանուշը ակտիվ հասարակական գործունեությամբ են զբաղվում՝ յուրաքանչյուրը յուրովի նպաստելով Հայաստանի գիտական, բժշկական, քաղաքական մտքի զարգացմանը:
