Ազգային անվտանգության ծառայության նախկին տնօրեն Արթուր Վանեցյանը պետական հեղաշրջում չի պլանավորել, Politik.am-ին հայտնել են ԱԱԾ-ից։
«Հայտնում ենք, որ պետական հեղաշրջման փորձի վերաբերյալ ՀՀ ԱԱԾ-ում տեղեկություններ չեն ստացվել», — ասվում է ԱԱԾ պատասխանում։
Politik.am-ի հարցմանն ի պատասխան՝ ԱԱԾ-ից նաև տեղեկացրել են, որ ԱԺ պատգամավոր Հրաչյա Հակոբյանի հայտարարությունը չեն դիտարկել որպես հաղորդում հանցագործության մասին։
Ավելի վաղ Հրաչյա Հակոբյանը Factor.am-ի հետ զրույցում հայտարարել էր, որ ԱԱԾ նախկին տնօրեն Արթուր Վանեցյանը պետական հեղաշրջում է նախապատրաստել, որի համար էլ պաշտոնանկ է արվել։
