ArmLur.am-ի տեղեկություններով վաղը խորհրդարանում արտահերթ նիստ է հրավիրվելու: Մեր տեղեկություններով այդ մասին արդեն տեղեկացրել են պատգամավորներին, սակայն օրակարգի մանրամասների եւ քննարկվելիք նախագծերի մասին այնքան էլ տեղեկություններ առկա չեն:
Մեր տեղեկություններով չի բացառվում վաղն արտահերթ նիստի ժամանակ քննարկվի Ընտրական օրենսգրքի փոփոխությունների լայն փաթեթը, որը նաեւ ուղարկվել էր Վենետիկի հանձնաժողով: Բացի այդ, կարող է քննարկվել նաեւ Քրեական օրենսգրքում փոփոխություններ կատարելու մասին նախագիծը:
Օրակարգի մասին ամբողջական տեղեկատվություն հայտնի կդառնա քիչ անց: Ամեն դեպքում նկատենք, Վենետիկի հանձնաժողովն արդեն ուղարկել է Ընտրական օրենսգրքի վերաբերյալ իր եզրակացությունը:
https://armlur.am/1101916/
